Tələb olunan sənədlər

Azərbaycan Respublikasının “Qeyri-dövlət (özəl) mühafizə fəaliyyəti haqqında” Qanununun tələblərinə uyğun olaraq, mühafizəçi vəzifəsinə namizədlər aşağıdakı sənədləri təqdim etməlidirlər:

- şəxsiyyət vəsiqəsinin surəti;
- hərbi biletin surəti;
-sağlamlıq vəziyyəti haqqında tibbi arayış;
-psixonevroloji və narkoloji dispanserlərdə uçotda olmaması barədə arayışlar;
-məhkumluğun olmaması barədə “ASAN Xidmət” tərəfindən verilmiş arayış.
-mühafizəçi vəzifəsinə namizədlər üçün yaş həddi 25–45 yaş arası müəyyən edilir.

Maddi və texniki təminat

Mühafizəçilər AR-nın “Qeyri-dövlət (özəl) mühafizə fəaliyyəti haqqında” Qanununa uyğun olaraq mövsümə uyğun xüsusi geyim forması və zəruri avadanlıqlarla təmin olunurlar. Təchizata rezin dəyənəklər, metal detektorlar, rabitə vasitələri, mobil telefonlar və digər təhlükəsizlik vasitələri daxildir.

Sosial müdafiə

Şirkət mühafizəçilərin sosial müdafiəsinin gücləndirilməsini əsas prioritetlərdən biri hesab edir və əmək qanunvericiliyinin tələblərinə uyğun olaraq aşağıdakı sosial təminat tədbirlərini həyata keçirir:

• Əmək haqqının ödənilməsi:
  Mühafizəçilərin əmək haqları Azərbaycan Respublikasının əmək qanunvericiliyinə uyğun olaraq müəyyən edilir və vaxtında, tam və şəffaf şəkildə ödənilir.
• Xüsusi geyim və avadanlıqla təminat:
  Mühafizəçilər mövsümə uyğun olaraq təsdiq edilmiş yay və qış geyim formaları, eləcə də xidməti fəaliyyət üçün zəruri olan fərdi vasitələrlə təmin olunurlar.
• İcbari sığorta:
  Mühafizəçilər qüvvədə olan qanunvericiliyə əsasən icbari sığorta ilə təmin edilir, bu da onların əmək fəaliyyəti zamanı sosial və hüquqi müdafiəsini gücləndirir.

Mükafatlandırma və stimullaşdırma:
Xidmət fəaliyyəti dövründə yüksək iş göstəriciləri, intizamlı davranış, tapşırıqların vaxtında və keyfiyyətlə yerinə yetirilməsi nəzərə alınaraq mühafizəçilərin maddi mükafatlandırılması və təşviqi həyata keçirilir.